ບໍລິສັດ ຫຼັກໄຊກໍ່ສ້າງຂົວ-ທາງ ຈຳກັດ ຜູ້ດຽວ (LRBC).

ພວກເຮົາຈະສະໜອງວຽກງານດ້ວຍມາດຖານທີ່ສູງທີ່ສຸດເພື່ອເຮັດສຳເລັດຕາມສັນຍາ, ໂດຍບໍ່ປະໃຫ້ມີສິ່ງຕົກຄ້າງ.

ປະຫວັດຄວາມເປັນມາ ຂອງບໍລິສັດ

ບໍລິສັດ ຫຼັກໄຊກໍ່ສ້າງຂົວທາງ ຈໍາກັດຜູ້ດຽວ ສ້າງຕັ້ງຂຶ້ນໃນປີ 2010. ບໍລິສັດຂອງພວກເຮົາສ້າງຕັ້ງຂຶ້ນເພືອສະຫນອງການບໍລິກາ ນທີ່ມີຄວາມຫນ້າເຊື່ອຖືແລະມີຄຸນະພາບໃຫ້ແກ່ສັງຄົມ. ເຊິ່ງໄດ້ໃຫ້ບໍລິການແກ່ທາງພາກລັດ ແລະ ເອກະຊົນພາຍໃນປະເທດທີ່ຜ່ານມາຢ່າງຕໍ່ເນື່ອງ. ບັນດາກິດຈະກຳຂອງພວກເຮົາລວມມີການກໍ່ສ້າງເສັ້ນທາງ, ຂົວ, ແລະ ທຸກໂຄງການພັດທະນາພື້ນຖານໂຄງລ່າງ. ຕະຫຼອດໄລຍະເວລາຫຼາຍປີຂອງການດຳເນີນການ ແລະ ບັນດາໂຄງການທີ່ປະສົບຜົນສຳເລັດ, ພວກເຮົາໄດ້ຮັບຄວາມໄວ້ເນື້ອເຊື່ອໃຈຈາກລູກຄ້າ ແລະ ມີຊື່ສຽງເປັນທີ່ຍອມຮັບ.

ບັນດາໂຄງການຂອງພວກເຮົາລວມມີໂຄງການທີ່ເປັນບຸລິມະສິດລ ະດັບຊາດ ເຊັ່ນ ໂຄງການກໍ່ສ້າງທາງປູຢາງສອງຊັ້ນ ທາງ ເບີ04 ເຊິ່ງເລີ່ມຈາກພູຫົວຊ້າງ - ອ່າວໃຕ້, ເມືອງອະນຸວົງ, ແຂວງໄຊສົມບູນ, ແລະ ໂຄງການກໍ່ສ້າງເສັ້ນທາງອື່ນໆ ເຊີ່ງປະຈຸບັນກໍ່ມີໂຄງການທີ່ກຳລັງດຳເນີນຢູ່. ບັນດາໂຄງການທັງຫມົດເຫຼົ່ານີ້ກວມເອົາມູນຄ່າຫຼາຍກວ່າ 1.000 ຕື້ກີບ ຫຼື ຫຼາຍກວ່າຫນຶ່ງຮ້ອຍລ້ານໂດລາ. ພວກເຮົາຍັງສືບຕໍ່ການຂະຫຍາຍທຸລະກິດຂອງພວກເຮົາ, ປັບປຸງບັນດາກິດຈະກຳຕ່າງໆເພື່ອອຳນວຍຄວາມສະດວກ, ແລະ ຄວາມອາດສາມາດເພື່ອຮັບປະກັນວ່າພວກເຮົາສາມາດປັບຕົວກັບ ຄວາມຕ້ອງການຂອງຕະຫຼາດບໍ່ວ່າຈະຢູ່ໃນຕຳແຫນ່ງໃດກໍຕາມ.

ພວກເຮົາແມ່ນໃຜ

ບໍລິສັດຫຼັກໄຊກໍ່ສ້າງຂົວທາງ ຈໍາກັດຜູ້ດຽວ, ພວກເຮົາໄດ້ສ້າງທຸລະກິດໃຫ້ເປັນແບບຢ່າງດ້ວຍຄວາມຊຳນິ ຊຳນານແລະຊື່ສຽງທີ່ສ້າງມາເປັນເວລາ 10 ປີ ເຊິ່ງພວກເຮົາມີຄວາມພາກພູມໃຈ ແລະ ໃນການບໍລິການໃຫ້ແກ່ລູກຄ້າຢ່າງດີເລີດ. ບໍລິສັດຫຼັກໄຊກໍ່ສ້າງຂົວ-ທາງ ຈຳກັດ ຜູ້ດຽວ ເປັນບໍລິສັດກໍ່ສ້າງເສັ້ນທາງແຖວຫນ້າໃນ ສປປ ລາວ ທີ່ມີປະສົບການໃນການເຮັດວຽກຢູ່ທ້ອງຖິ່ນໄປເຖິງບັນດາໂ ຄງການພື້ນຖານໂຄງລ່າງຕົ້ນຕໍ. ບໍລິສັດຂອງພວກເຮົາ ລວມມີບັນດາໂຄງການເຊັ່ນ ຂະຫຍາຍ ດ່ານສາກົນ , ຂົວ, ເສັ້ນທາງ, ອຸດສາຫະກຳ ແລະ ຂົງເຂດການພັດທະນາຕົ້ນຕໍ. ພວກເຮົາສືບຕໍ່ການໄຈ້ແຍກ ແລະ ຂະຫຍາຍການບໍລິການຂອງພວກເຮົາໂດຍມີທີມງານທີ່ມີຄຸນະພາ ບຄວາມເປັນມືອາຊີບທີ່ມີພອນສະຫວັນ.

ດ້ວຍປະຫວັດ ພື້ນຖານ ແລະ ຜົນງານຂອງພວກເຮົາ ເຊິ່ງພວກເຮົາໄດ້ສະແດງໃຫ້ເຫັນໃນຕະຫຼອດໄລຍະເວລາຫຼາຍປີ, ພວກເຮົາມີສາຍພົວພັນທີ່ດີກັບບັນດາອົງກອນຂອງລັດຖະບານ ເຊິ່ງເຮັດໃຫ້ບັນດາໂຄງການປະສົບຜົນສຳເລັດໃນທ້ອງຖີ່ນ ໂດຍສະເພາະ ຢູ່ແຂວງໄຊສົມບູນ. ໃນ ສປປ ລາວ ໄດ້ເປີດໂອກາດຫຼາຍທາງໃຫ້ແກ່ທຸລະກິດຂອງພວກເຮົາ ໄດ້ຂະຫຍາຍ ແລະ ຈະເລີນເຕີບໂຕຢ່າງຕໍ່ເນື່ອງ.

ນອກຈາກການບໍລິການຂອງພວກເຮົາ, ພວກເຮົາໄດ້ຂະຫຍາຍການບໍລິການດ້ວຍການພັດທະນາທີ່ມີຄຸ ນະພາບສູງ, ຄວາມເອົາໃຈໃສ່ ແລະ ແນ່ນອນ. ການກໍ່ສ້າງວຽກງານຊື່ງມີລາຍລະອຽດ ເປັນຕົ້ນ: ການປູຢາງຫນ້າທາງ, ວຽກຂຸດດິນ, ວຽກໂຄງສ້າງ, ວຽກທໍ່, ວຽກຄັດເລືອກວັດສະດູ, ການພັດທະນາດິນ ແລະ ວຽກພື້ນຖານໂຄງລ່າງເຊິ່ງພວກເຮົາໄດ້ຮັບດ້ວຍຄວາມຮັບຜິດຊອບສູງເພື່ອປະຕິບັດວຽກຂອງພວກເຮົາ ແລະ ຕອບສະຫນອງລູກຄ້າຢ່າງພຽງພໍ. ອີງໃສ່ຄວາມຕ້ອງການຂອງໂຄງການ, ພວກເຮົາຈະຮັບປະກັນຕໍ່ທຸກສັນຍາ ແລະ ເງື່ອນໄຂ ຈະສຳເລັດຕາມກຳນົດເວລາ. ພວກເຮົາຈະສະຫນອງວຽກງານດ້ວຍມາດຖານທີ່ສູງທີ່ສຸດເພື່ອເຮັດສຳເລັດຕາມສັນຍາ, ໂດຍບໍ່ປະໃຫ້ມີສິ່ງຕົກຄ້າງ.

ພາລະກິດ & ທັດສະນະວິໄສ

ພາລະກິດ

ພວກເຮົາສູ້ຊົນທີ່ຈະເປັນບໍລິສັດກໍ່ສ້າງຂົວທາງອັນດັບຕົ້ນໃນ ສປປ ລາວ. ບໍລິສັດກໍ່ສ້າງຂົວທາງຫຼັກໄຊ ຈຳກັດ ຜູ້ດຽວ ຍິນດີຈະໃຫ້ການບໍລິການແກ່ທຸກທ່ານ.

ທັດສະນະວິໄສ

ເສດຖະກິດຂອງລາວຍັງສືບຕໍ່ການເຕີບໂຕ, ພວກເຮົາມີຈຸດປະສົງຢາກເປັນໜຶ່ງຜູ້ປະກອບການໃນ ການພັດທະນາ ແລະປັບປຸງປະເທດຂອງພວກເຮົາຢ່າງຮອບດ້ານ. ແນວຄວາມຄິດນີ້ເຮັດໃຫ້ທຸລະກິດຂອງພວກເຮົາສືບຕໍ່ສ້າງໂ ອກາດໃຫ້ແກ່ປະເທດຊາດເປັນຕົ້ນແມ່ນ ການທ່ອງທ່ຽວ ການເດີນທາງ ເພື່ອຫຼາຍເປົ້າໝາຍ ແລະ ເພື່ອເຂົ້າເຖີ່ງພື້ນຖານການຜະລິດ ແລະ ການຈໍາໜ່າຍສິນຄ້າ. ໃນນີ້ສິ່ງສຳຄັນທີ່ສຸດແມ່ນການສ້າງວຽກເຮັດງານທຳໃຫ້ແ ກ່ປະຊາຊົນທ້ອງຖິ່ນ ແລະ ຊຸກຍູ້ເສດຖະກິດຂອງປະເທດລາວເຮົາ.

ປະທານບໍລິຫານ - ທ່ານ ຄຳໄຊ ບຸນມີສີດາວົງ

ໃນຖານະຜູ້ປະກອບການວິສາຫະກິດ, ນັກທຸລະກິດ, ແລະ ຜູ້ກໍ່ຕັ້ງ ບໍລິສັດຫຼັກໄຊກໍ່ສ້າງຂົວ-ທາງຈຳກັດຜູ້ດຽວ, ຂ້າພະເຈົ້າຮູ້ສືກເປັນກຽດໃນການດຳເນີນທຸລະກິດທີ່ປະກ ອບສ່ວນໃຫ້ແກ່ສັງຄົມ. ຈຸດປະສົງຂອງຂ້າພະເຈົ້າແມ່ນເພື່ອສືບຕໍ່ການສະຫນອງ ຄຸນຄ່າ ໃຫ້ແກ່ຊີວິດຄວາມເປັນຢູ່ຂອງປະຊົນໃນຊຸມຊົນ ແລະ ການພັດທະນາເສດຖະກິດ, ເຊິ່ງຈະກາຍເປັນຊັບສົມບັດຂອງຊາດ. ປະເທດຊາດຂອງພວກເຮົາຕ້ອງການການພັດທະນານຫຼາຍເພື່ອກໍ່ ສ້າງລະບົບການເຮັດວຽກ. ເພື່ອຕອບສະຫນອງໄດ້ຕາມຄວາມຕ້ອງການຂອງພວກເຮົາ, ພວກເຮົາຈຳເປັນຕ້ອງມີການພັດທະນາເຕັກໂນໂລຊີເພື່ອຊ່ວຍ ໃນການຄູ້ມຄອງ ແລະ ການບໍລິການທີ່ກ່ຽວຂ້ອງກັບພື້ນຖານທີ່ຈຳເປັນ; ການສຶກສາ, ສຸຂະພາບ, ການຜະລິດ, ການລົງທຶນໃນການຄ້າ, ແລະ ອື່ນໆ. ຍ້ອນແນວນັ້ນ, ທຸລະກິດທັງຫມົດທຸກຢ່າງທີ່ຂ້າພະເຈົ້າກຳລັງດຳເນີນໃນ ປັດຈຸບັນແມ່ນເພື່ອຕອບສະຫນອງບັນດາຄວາມຕ້ອງການຂອງສັງ ຄົມ ແລະ ລູກຄ້າ.

ໂລກກຳລັງມີການປ່ຽນແປງຢ່າງໄວວາໃນສະຕະວັດນີ້ ເນື່ອງຈາກການແຂ່ງຂັນທາງວິຊາຊີບ ແລະ ລະບົບສະຕິປັນຍາຜ່ານເຕັກໂນໂລຊີໃຫມ່ໆທີ່ກ້າວຫນ້າ. ໂດຍສ່ວນຕົວແລ້ວ, ແມ່ນມີຄວາມຈຳເປັນຕ້ອງມີການປ່ຽນແປງ ແລະ ການພັດທະນາບຸກຄະລາກອນ, ທີມງານ, ແລະ ອົງກອນເພື່ອໃຫ້ສອດຄ່ອງກັບໂລກແຫ່ງຄວາມທັນສະໄໝໃຫ້ແກ່ຄວາມອາດສາມາດໃນການດຳເນີນທຸລະກິດໃນຫຼາຍໆດ້ານ. ການເປັນຄົນທີ່ມີຈິດໃຈເປີດກວ້າງ ແລະ ຮ່ວມມືກັບຄູ່ຮ່ວມງານສາກົນເພື່ອສ້າງຄວາມເຂັ້ມແຂງໃຫ້ແກ່ບັນດາບໍລິສັດພາຍໃນປະເທດເພື່ອໃຫ້ບັນດາບໍລິສັດເຫຼົ່ານີ້ສາມາດແຂ່ງຂັນໃນລະດັບພາກພື້ນ ແລະ ສາກົນ.