BCEL ເປັນທະນາຄານການຄ້າຕ່າງປະເທດລາວມະຫາຊົນ ເປັນທະນາຄານທຸລະກິດອັນດັບໜຶ່ງຂອງປະເທດລາວ ດ້ວຍຄວາມໂປ່ງໃສແລະຊື່ສຽງເປັນທີ່ຍອມຮັບຈາກສັງຄົມໃນດ້ານການບໍລິການໄດ້ມາດຕະຖານ. ເຊິ່ງທະນາຄານ BCEL ໄດ້ສ້າງຕັ້ງຂຶ້ນໃນປີ 1975 ແລະໄດ້ອໍານວຍຄວາມສະດວກໃຫ້ແກ່ສັງຄົມລາວແຕ່ນັ້ນມາ. BCEL ຍັງສືບຕໍ່ພັດທະນາເລື່ອຍໆ ແລະ ຍັງໄດ້ ລົງທືນຮ່ວມທະນາຄານອື່ນໆ ເຮັດໃຫ້ BCEL ມີພັນທະມິດທີ່ເຂັ້ມແຂງຕໍ່ອົງກອນນາໆຊາດ, ຜູ້ປະກອບການຕ່າງປະເທດ ເພື່ອເຮັດໃຫ້ໂອກາດໃນການພັດທະນາ ແລະ ຂະຫຍາຍຕົວ. ເຊິ່ງການຂະຫຍາຍຕົວ ເຮັດໃຫ້BCEL ປະສົບຜົນສຳເລັດເປັນຢ່າງຍິ່ງ. ສະນັ້ນຕັ້ງແຕ່ປີ2010 BCEL ໄດ້ເປີດຫຸ້ນ ໃນຕະຫລາດຫລັກຊັບລາວຢ່າງເປັນທາງການ.
ເນື່ອງຈາກບໍລິສັດຫລັກໄຊ ເປັນລູກຄ້າຂອງທະນາຄານBCEL ມາຫລາຍກວ່າ10ປີ ດ້ວຍປະສົບການແລະຄວາມສຳພັນທີ່ຜ່ານມາ ທາງທະນາຄານໄດ້ໃຫ້ການບໍລິການທີ່ມີຄຸນນະພາບສູງ, ບໍລິການວ່ອງໄວທັນໃຈ, ຖືກຕ້ອງ ແລະ ເຊື່ອຖືໄດ້. ຕັ້ງແຕ່ ທະນາຄານໄດ້ເປີດສິດໃນການຖືຫຸ້ນໃນຕະຫລາດຫລັກຊັບລາວ, ບໍລິສັດຫລັກໄຊ ໄດ້ມີໂອກາດຖືຫຸ້ນສອງເປີເຊັນຂອງທັງຫມົດ.
